Niderlandda koronavirusdan ölənlərin sayı 1 000-i ötdü


Dünya 31 Mar 2020 17:16:48 100 0

Niderlandda koronavirusdan ölənlərin sayı 1 000-i ötdü

Krallıqda koronavirus qurbanlarının sayı kəskin artıb

Niderlandda son sutkada koronavirus qurbanlarının sayı kəskin artıb.

“Report” “Reuters”ə istinadən xəbər verir ki, krallıqda daha 175 nəfər koronavirusdan ölüb.

Beləliklə, Niderlandda virus qurbanlarının sayı 1 039 nəfərə çatıb.

Bundan başqa, ölkədə yoluxanların rəsmi sayında da artım müşahidə edilib. Belə ki, yoluxanların sayı son 1 gündə daha 845 nəfər artaraq 12 595 nəfərə yüksəlib.

Qeyd edək ki, Niderlandda koronavirusa ilk yoluxma faktı fevralın 27-də qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 201 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 803 011-i ötüb. Bunların 172 396 nəfəri sağalıb, 39 025 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.