Azərbaycanda geoloji kəşfiyyat işlərinin dəqiqliyinin artırılması məqsədilə yeni buruq-qazma avadanlığının, geofiziki cihazların, topoqrafik GPS-lərin, planşetlərin, yeni nəsil kompüterlərin alınması və müasir proqram təminatlarının tətbiqinə başlanılacaq.

"Report" xəbər verir ki, bu, yerin təkinin geoloji öyrənilməsinə və mineral xammal bazasından səmərəli istifadəyə dair 2020–2024-cü illər üçün Dövlət Proqramında öz əksini tapıb.

Eyni zamanda analitik tədqiqatların nəticələrinin etibarlılığının artırılması məqsədilə müasir laboratoriya avadanlığının, cihazların alınması və infrastrukturun yenilənməsi dənəzərdə tutulub.

Bununla bağlı Ekologiya və Təbii Sərvətlər Nazirliyinə tapşırıqlar verilib.