İspaniyada fövqəladə vəziyyət elan edildi


Dünya 14 Mar 2020 17:43:16 149 0

İspaniyada fövqəladə vəziyyət elan edildi

Bunu ölkənin baş naziri açıqlayıb

© google

İspaniya hökuməti koronavirusun yayılması ilə əlaqədar ölkədə fövqəladə vəziyyət elan edib.

“Report” “Associated Press”ə istinadən xəbər verir ki, bu barədəölkənin baş naziri Pedro Sançez məlumat verib.

Onun sözlərinə görə, fövqəladə vəziyyət martın 14-dən başlayaraq iki həftə davam edəcək.

İspaniyada koronavirusa yoluxanların sayı 6 000-ə yaxındır. Virusun qurbanlarının sayı isə 136 nəfərdir.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 149 ölkədə qeydə alınıb.

Dünyada koronavirus infeksiyasına indiyədək yoluxanların sayı 149 279-a çatıb. Bunların 73 713 nəfəri sağalıb, 5 602 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.