Antisanitar şəraitdə fəaliyyət göstərən quş kəsimi sexi aşkarlandı


Digərləri 12 Mar 2020 14:24:00 161 0

Antisanitar şəraitdə fəaliyyət göstərən quş kəsimi sexi aşkarlandı

Gəncədə antisanitar şəraitdə fəaliyyət göstərən quş kəsimi sexi aşkarlanıb.

Bu barədə Son.az-a Azərbaycan Respublikasının Qida Təhlükəsizliyi Agentliyindən (AQTA) məlumat veriblər.

Bildirilib ki, AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində mütəmadi monitorinqlər həyata keçirir:

"Həyata keçirilən monitorinqlər çərçivəsində Agentlik əməkdaşları tərəfindən Gəncə şəhəri, Gülüstan qəsəbəsi AKTA-6 ərazisində yerləşən fiziki şəxs Mirzəyeva Səbinə İbiş qızına məxsus quş kəsimi sexinə baxış keçirilib. Baxış zamanı müəssisənin qanunsuz fəaliyyət göstərdiyi, sexdə texniki-normativ tələblərə və baytarlıq-sanitariya qaydalarına riayət edilmədiyi aşkarlanıb.

Məlum olub ki, sexin ərazisinə daxil olan quşlar baytarlıq müayinəsindən keçirilmir, quş ətinin orqanoleptik qiymətləndirilməsi aparılmır. Eyni zamanda sexdə quş ətinin emalı və saxlanılması qida təhlükəsizliyi tələblərinə uyğun həyata keçirilmir.