Dünyanın ən etibarlı avtomobillərinin adı açıqlanıb


Digərləri 27 Fev 2020 21:01:00 178 0

Dünyanın ən etibarlı avtomobillərinin adı açıqlanıb

J.D. Power konsaltinq şirkətinin analitikləri üç yaşı olan avtomobillərin sahibləri arasında sorğu keçirib və dünyanın ən etibarlı markalarını müəyyənləşdirib. 2019-cu ilin qalibi Cənubi Koreyanın Genesis markası olub.

Ümumilikdə mütəxəssislər hər bir markadan olan 100 avtomobilin sahibi ilə sorğu keçirərək, onların iki illik istismar dövründə qarşılaşdıqları problemlərin sayını təhlil ediblər. Eyni zamanda, şikayətlər bir neçə kateqoriyaya bölünsə də,  hər şeyi nəzərə alınıb. Mütəxəssislər fənərlərin xarab olmasından tutmuş, Bluetooth vasitəsilə smartfonun birləşdirilməsinə qədər olan  problemləri, eləcə də köməkçi sistemlərin imkanlarının sürücü tərəfindən həddən yüksək qiyməyləndirməsini də nəzərə alıblar.

Araşdırmalara görə, Cənubi Koreyanın Genesis markası ən etibarlı avtomobillərin istehsalçısı olub: bu markadan olan iki modeldə 100 avtomobildə 89 şikayət aşkarlanıb. Lexus 100 şikayətlə ikinci, Buick isə 103 şikayət ilə üçüncü olub. Qeyd etmək gərəkdir ki, Genesis ilk dəfədir bu reytinqdə iştirak edir - qaydalara görə, araşdırmalarda iştirak etmək üçün, markanın avtomobillər ən azı üç il ərzində bazarda satılmalıdır.

Reytinqin sonunda hər bir avtomobil sahibindən orta hesabla iki şikayət daxil olmuş dörd istehsalçı yer alır. Onların arasında Volvo (185 şikayət), Jaguar (186 şikayət), Chrysler (214 şikayət) və rekorda imza atan Land Rover (220 şikayət) vardır.