Rəsmi tibb xərçəngin dərmanının tapılmadığını bəyan edir. Digər tərəfdən acı yovşan bitkisinin (rusca polın) şişləri kiçiltməsi və metastalara imkan verməməsi barədə məqalələr yayılır və artıq yovşanın spirtdə məhlulu onkoloji xəstələr üçün satılır.

Son.az medicina.az-a istinadənmöcüzəvi təsirindən ağızdolusu danışılan yovşanın sirrinin nədə olduğunu araşdırıb. Həqiqətənmi, o şişin dərmanıdır?

Acı yovşan rus xalqlarında qurd, parazit tökən bitki kimi tanınsa da, dərmanlarda istifadə olunsa da, onun xalq təbabətində ən geniş istifadə olunduğu ölkə Çindir.

Çin alimləri malyariyaya qarşı dərman hazırlamaq tapşırığı almışdılar. Ötən əsrin 50-ci illərində yovşandan artemiznin adlı maddə ayrıldı və onun malyariya ilə mübarizə apardığı məlum oldu. Bu kəşfə görə çinli alim Tu Yioyu "Nobel" mükafatı alıb.

Alimlər elmi tədqiqatlarında daha da irəli gedərək, artemizinin nəinki malyariya törədicilərini, həmçinin şiş hüceyrələrini məhv etdiyini aşkarladılar. Elmi tədqiqatlarla bu nəzəriyyə təsdiqini tapdı və bu bitkidən alınan maddə tərkibli dərmanın kliniki tədqiqatlara hazırlanması müsbət qarşılandı.

Hazırda Çində könüllü xəstələr üzərində artemizinin antixərçəng təsiri müalicələrlə öyrənilir. Bu dərman hələ ki, kütləvi satışa çıxarılmayıb.