Bakıda məhkuma tapança ilə 3 güllə vuruldu
Kriminal 23 Fev 2020 09:22:00 158 0
Bakının Binqədi rayonunda silahlı insident hadisəsi baş verib.
Son.az APA-ya istinadən bildirir ki, hadisə "Dəyirman" kimi tanınan ərazidə qeydə alınıb.
Abıyev Əli Elxan oğlu Pərviz adlı şəxslə mübahisə zamanı tapança ilə güllələnib. Əli Abıyev cərrahi əməliyyat olunub. Onun müayinəsi zaman 3 güllə yarası aşkar edilsə də, güllələr Ə.Abıyevin bədənində olmayıb.
Azadlığın məhdudlaşdırılması cəzası ilə məhkum olunan Ə.Abıyevin başqa bir məhkum tərəfindən güllələndiyi ehtimal edilir. Ona "Makarov" tipli tapançadan atəş açılıb. Hazırda polis adının Pərviz olduğu ehtimal edilən şübhəli şəxsin axtarışlarını aparır.
Hadisəni törədən Pərviz Ə.Abıyevə məxsus "Niva" markalı avtomobillə ərazidən qaçıb.
Mənbə: milli.az