“Artıq bir neçə ildir ki, Gürcüstanda “Mərmər bağacıq” xəstəliyi yayılıb. Mübarizə aparılır, amma hələ də aktiv fazadadır”.

Bunu “Report”a açıqlamasında “Azərbaycan Fındıq İstehsalçıları və İxracatçıları Assosiasiyası” İctimai Birliyinin sədri İsmayıl Orucov deyib.

Onun sözlərinə görə, Assosiasiya həmin xəstəliyə qarşı mübarizəyə hazırdır:“Bu, təkcə fındıq deyil, alma qarğıdalı və başqa bu kimi bir sıra kənd təsərrüfatı məhsullarının məhsuldarlığına təsir edir. Hazırki vəziyyətdə mübarizəni təbiətə buraxmışıq. Təbiətə müdaxilə etmək tərəfdarı deyilik. Aqrar mərkəz yaratmışıq və onunla mübarizəyə hazırıq. Bu xəstəliyin daşıyıcıları Bakıda - Sovetski ərazisində aşkar edilib.Onlar sökülən evlərdən çıxıb. Bu bağacıqlar qışlamaq üçün evlərə girir”.