Koroğlu Nəqliyyat Mübadilə Mərkəzindən - VİDEOREPORTAJ


Sosial 19 Fev 2020 18:05:07 163 0

Koroğlu Nəqliyyat Mübadilə Mərkəzindən - VİDEOREPORTAJ

Koroğlu Nəqliyyat Mübadilə Mərkəzində 30 müntəzəm marşrut xətti üzrə 450-dən çox avtobus fəaliyyət göstərir.

© Report

Koroğlu Nəqliyyat Mübadilə Mərkəzində müasir standartlara cavab verən nəqliyyat infrastrukturu mövcuddur.

Bakı Nəqliyyat Agentliyinin Sərnişindaşıma Fəaliyyətinin Tənzimlənməsi Şöbəsinin müdir müavini Vüqar Məmmədzadə “Report”a açıqlamasında bildirib ki, mərkəzdə 10 şəhərdaxili, 19 şəhərətrafı marşrut xətti fəaliyyət göstərir:

“Koroğlu Nəqliyyat Mübadilə Mərkəzində 30 müntəzəm marşrut xətti üzrə 450-dən çox avtobus fəaliyyət göstərir. Həmin avtobuslar gün ərzində orta hesabla 270 min sərnişin daşıyır. BNA-nın əməkdaşlarından bura işçilər cəlb olunub. Ciddi şəkildə nəzarət var. Burda marşrutlar özəl sahibkarla tərəfindən istismar edilir. Onlara da tapşırıqlar verilib. Onlar da bura öz nümayəndələrini ayırıblar. Ümumilikdə Bakı şəhərinin 24-dən artıq qəsəbəsinə burdan avtobuslar fəaliyyət göstərir. 10 marşrut şəhərdaxili, 19 marşrut şəhərətrafı, 1 marşrut isə H-1 nömrəli ekspress avtobusdur”.

Qeyd edək ki, Mərkəzdə 4 platformadan ibarət avtobus terminalı inşa edilib. Platformalarda müasir informasiya texnologiyaları avadanlığı, havalandırma sistemi ilə təchiz edilmiş 10 gözləmə zalı var. Gözləmə zalları ilə yanaşı mərkəzdə 5 köşk, 1 idarəetmə otağı, tibb məntəqəsi, ana və uşaq otağı inşa edilib. Zallar içməli su ilə də təmin olunub.

“Report” Koroğlu Nəqliyyat Mübadilə Mərkəzindən hazırladığı reportajı təqdim edir:

Video: Vüqar Xanlarov