Abşeronda yol-nəqliyyat hadisəsi baş verib.

"Report"un məlumatına görə, hadisə Saray qəsəbəsində qeydə alınıb.

Belə ki, “50-CM-511” dövlət nömrə nişanlı KİA markalı avtomobil sürət həddini aşaraq qarşıdan gələn “10-LM-725” dövlət nömrə nişanlı "VAZ-2107" markalı minik maşını ilə toqquşub. KİA daha sonra qəzanın təsirindən “90-UJ-174” dövlət nömrə nişanlı "Tofaş" markalı avtomobilinin arxa hissəsinə çırpılıb. Hadisə nəticəsində xəsarət alan olmasa da, hər 3 nəqliyyat vasitəsinə ziyan dəyib.

Qəza yerinə DYP əməkdaşları və təxliyə maşını cəlb edilib.