Türkiyənin xarici işlər naziri Mövlud Çavuşoğlu Yunanıstan Prezidenti Prokopis Pavlopulosun Qərbi Trakiyaya ziyarəti əsnasında işlətdiyi “müsəlman yunan azlığı” ifadəsinə münasibət bildirib.

“Report” xəbər verir ki, o, bu barədə “Twitter” səhifəsində yazıb.

“Demokratiyanın beşiyi olduğu deyilən bir ölkənin prezidenti Avropa İnsan Haqları Məhkəməsinin qərarlarına baxmayaraq, müsəlman türk azlığına yenə yunan müsəlman azlığı deyib. Siz nə desəniz də deyin, Qərbi Trakiyadakı türk azlığı yüz illərdir türkdür, türk də qalacaq!”, - M.Çavuşoğlu vurğulayıb.

Xatırladaq ki, Yunanıstan prezidentifevralın 16-da Qərbi Trakiyaya səfəri zamanıçıxışındaLozanna müqaviləsinə istinad edərək bölgədəki türk azlığının, sadəcə, dini azlıq olduğunu, İstanbuldakı pravoslav yunanların isə milli azlıq olduğunu iddia etmişdi.