Alimlər diametri 0.3 mmdək olan damarları tikə bilən robot hazırlayıblar


Digərləri 18 Fev 2020 07:41:00 123 0

Alimlər diametri 0.3 mmdək olan damarları tikə bilən robot hazırlayıblar

Alimlər diametri 0.3 mm-dək olan damarları tikə bilən robot hazırlayıblar. Supermikrocərrahiyyə üçün hazırlanmış qurğunun insan üzərində ilk sınaqları uğurlu olub. Bu haqda Eyndhoven Texnologiya Universitetinin alimlərinin "Nature Communications" jurnalında dərc edilmiş məqaləsində deyilir.

Son.az ictnews.az-a istinadən bildirir ki, supermikrocərrahiyyə əməliyyat zamanı son dərəcə kiçik damarların birləşdirilməsi (diametri 0,3-dən 0,8 millimetrədək) üçün nəzərdə tutulmuş yeni metoddur. Bu metod əksər hallarda limfedema (adətən süd vəzisi xərçənginin müalicəsindən sonra yaranan və şişə çevrilən xəstəlik) ilə mübarizədə istifadə olunur.

Belə damarların birləşdirilməsinin çətinliyini nəzərə alaraq hazırda yalnız az sayda cərrah supermikrocərrahiyyə əməliyyatı keçirmək qabiliyyətinə malikdir.

Tədqiqatçılar limfedema zamanı cərrahi yardım ala bilən xəstələrin sayını artırmaq üçün avtomatlaşdırılmış sistem ("MUSA") hazırlayıblar.