Qayınatasını döyən dünya çempionunun cəzası azaldıldı
Digərləri 12 Fev 2020 19:59:00 167 0
Ali Məhkəmədə "Neftçi" idman klubunun kikboksinq bölməsinin rəhbəri, "Xocalı" idman klubunun prezidenti, kikboksinq üzrə beşqat dünya çempionu Ehram Məcidov barəsindəki qərardan verilən kassasiya şikayətinə baxılıb.
Son.az xəbər verir ki, zərərçəkmiş şəxsin vəkili Ceyhun Yusifov Oxu.Az-a açıqlqmasında deyib ki, məhkəmə idmançının şikayətini təmin edib və onun cəzasını altı il altı aydan üç ilə endirib. Vəkil bu qərarın ədalətsiz olduğunu deyərək, yaxın zamanlarda məsələ ilə bağlı mətbuat konfransı keçirəcəklərini qeyd edib.
Xatırladaq ki, Ehram Məcidov Bakı Ağır Cinayətlər Məhkəməsinin hökmü ilə üç il altı ay müddətinə azadlıqdan məhrum edilmişdi. Bakı Apellyasiya Məhkəməsi isə onun cəzasını ağırlaşdıraraq altı il altı ay etmişdi.
İş üzrə zərərçəkmiş şəxs - Ehram Məcidovun qayınatası, 1953-cü il təvəllüdlü Bəhruz Dilbazidir. Davaya səbəb ailə münaqişəsi zəminində başlayan mübahisələr idi.
Ehram Məcidov qayınatası Bəhruz Dilbazini döyməkdə ittiham edilir.