Bakı. Honkonqdan olan tədqiqatçılar qrupu yeni növ koronavirusa qarşı vaksin hazırlayıblar. Trend-in "RİA Novosti"yə istinadən verdiyi məlumata görə, bunu Honkonq Universitetinin mikrobioloqu Yuen Kvok-Yunq deyib. Mikrobioloq bildirib: "Biz artıq vaksini yaratdıq, lakin dərmanı heyvanların üzərində sınamaq üçün uzun müddət lazım gələcək". Onun sözlərinə görə, heyvanlar üzərində sınaqlar aylar, insanlar üzərində kliniki sınaqlar isə azı bir il çəkə bilər.