Türkiyədə zəlzələ qurbanlarının sayı 35 nəfərə çatıb - YENİLƏNİB-2


Dünya 26 Yan 2020 13:02:00 120 0

Türkiyədə zəlzələ qurbanlarının sayı 35 nəfərə çatıb - YENİLƏNİB-2

​Türkiyədə zəlzələ qurbanlarının sayı 29 nəfərə, xəsarət alanların sayı 1466 nəfərə çatıb

Türkiyənin şərqində baş vermiş zəlzələ zamanı ölənlərin sayı 35 nəfərə çatıb.

"Report"un məlumatına görə, bu barədə NTV telekanalı xəbər verib.

Telekanal qeyd edib ki,Elazığda yaşayış binasınındağıntıları altından daha 2 nəfərin meyiti çıxarılıb. Xilasedicilər dağıntılar altından 45 nəfəri sağ çıxarıblar. Təbii hadisə zamanı həmçinin 1607 nəfər xəsarət alıb.

Daha əvvəl zəlzələ zamanı 31 nəfərin həlak olduğu, 1466 nəfərin xəsarət aldığı bildirilirdi.

Türkiyədə 6,8 bal gücündə zəlzələ cümə günü, Bakı vaxtı ilə saat 21:55-də baş verib. Zəlzələdən sonra 228 yeraltı təkan qeydə alınıb.

***03:49

Türkiyənin şərqində baş vermiş zəlzələ nəticəsində azı 31 nəfər həlak olub.

Bu barədə "Report" Türkiyə mətbuatına istinadən xəbər verir.

Bildirilir ki, təbii hadisə zamanıdaha 1466 nəfər yaralanıb. Məlumata görə, dağıntılar altından 41 nəfər çıxarılıb.

Ötən gün Türkiyədə növbəti zəlzələ baş verib. Yeraltı təkanlar Manisa vilayətində, Akhisar rayonunda, 4,1 bal gücündə qeydə alınıb.

Daha əvvəl təbii hadisə nəticəsində 29 nəfərin həlak olduğu bildirilirdi.

***21:18

Türkiyənin şərqində baş vermiş zəlzələ nəticəsində azı 29nəfər həlak olub, daha 1466 nəfər yaralanıb.

“Report” xəbər verir ki, bu barədə TRT telekanalı Türkiyənin Fövqəladə Vəziyyətlər və Təbii Fəlakətlər üzrə İdarəsinə istinadən məlumat yayıb.

Telekanalın məlumatına görə, xilasedicilər dağılmış evlərin uçqunları altından azı 43 nəfəri xilas ediblər.

Daha əvvəl təbii hadisə nəticəsində 22 nəfərin həlak olduğu, 1243 nəfərin xəsarət aldığı bildirilirdi.