Bakı. Elçin Mehdiyev - 2020-ci il yanvarın 1-i vəziyyətinə ilkin məlumatlara əsasən, Azərbaycanda iqtisadi fəal əhalinin sayı 5 milyon 190,1 min nəfər olub, onlardan 4 milyon 938,5 min nəfərini məşğul əhali təşkil edib. Trend-in məlumatına görə, 2019-cu il dekabrın 1-i vəziyyətinə muzdla işləyənlərin sayı 1 milyon 644,3 min nəfər, o cümlədən iqtisadiyyatın dövlət sektorunda 914,9 min nəfər, qeyri-dövlət sektorunda isə 729,4 min nəfər təşkil edib. İqtisadiyyatın neft-qaz sektorunda 35,1 min nəfər, qeyri neft-qaz sektorunda isə 1 milyon 609,2 min nəfər çalışıb. Müəssisə və təşkilatlarda muzdla çalışan işçilərin 24,2 faizi məhsul istehsalı sahələrində, o cümlədən 7,6 faizi tikintidə, 7,5 faizi emal sənayesində, 3,3 faizi kənd təsərrüfatı, meşə təsərrüfatı və balıqçılıq sahələrində, 2,1 faizi mədənçıxarma sənayesində, 1,9 faizi elektrik enerjisi, qaz və buxar istehsalı, bölüşdürülməsi və təchizatı, 1,8 faizi su təchizatı, tullantıların təmizlənməsi və emalı sahələrində məşğul olub.