Ötən il Azərbaycanda istehsal edilən ÜDMin məbləği açıqlanıb


Digərləri 22 Yan 2020 18:14:00 186 0

Ötən il Azərbaycanda istehsal edilən ÜDMin məbləği açıqlanıb

2019-cu ildə Azərbaycanın ümumi daxili məhsulu əvvəlki illə müqayisədə 2,2 faiz artaraq 81 milyard 681,0 milyon manata çatıb.

Son.az Trend-ə istinadən xəbər verir ki, yola saldığımız ildə iqtisadiyyatın qeyri neft-qaz sektorunda istehsal olunmuş əlavə dəyər 3,5 faiz, neft-qaz sektorunda isə 0,4 faiz artıb.

ÜDM-in 41,4 faizi sənaye, 10,0 faizi ticarət, nəqliyyat vasitələrinin təmiri, 7,3 faizi tikinti, 6,0 faizi nəqliyyat və anbar təsərrüfatı, 5,7 faizi kənd təsərrüfatı, meşə təsərrüfatı və balıqçılıq, 2,4 faizi turistlərin yerləşdirilməsi və ictimai iaşə,1,8 faizi informasiya və rabitə sahələrində, 16,7 faizi digər sahələrdə istehsal edilib, məhsula və idxala xalis vergilər isə ÜDM-in 8,7 faizini təşkil edib.

Əhalinin hər nəfərinə düşən ÜDM 8247,0 manat olub.