Milli Məclisin SədriOqtay Əsədov və qurumun Beynəlxalq və parlamentlərarası komitəsinin sədri Səməd Seyidov yanvar 22-23-dəYerusəlimdə keçirilən Auşvitzin azad olunmasının 75 illiyinə həsr olunmuş "Dünya Holokost Forumu 2020" (World Holocaust Forum 2020) tədbirlərində iştirak edəcəklər.

"Report" xəbər verir ki, tədbirlərdə dünya liderlərinin iştirakı gözlənilir. İsrail Dövlətinin Prezidenti dünya liderlərinin unikal kampaniya vasitəsilə Holokost qurbanlarının anım gününü dəstəkləməyə dəvət edib. “Evanın hekayələri” (Eva Stories) milyonlarla gənclərə Holokost haqqında məlumat verəcək.

Yanvarın 22-də keçiriləcək tədbirlər Prezident iqamətgahında şam yeməyi, Yad Vaşemin mətbuat mərkəzində brifinq və yanvarın 23-dəYad Vaşemdə Dünya Xolokost Forumun əsas tədbirindən ibarət olacaq.