20 Yanvar şəhidlərinin xatirəsinə həsr olunan karate üzrə beynəlxalq turnir bitdi (FOTO)


Digərləri 20 Yan 2020 16:19:50 186 0

20 Yanvar şəhidlərinin xatirəsinə həsr olunan karate üzrə beynəlxalq turnir bitdi (FOTO)

Yarışı milli hakimlərimizlə birgə 5 ölkədən 22 beynəlxalq hakim idarə edib

Bakı. Azərbaycan Milli Karate Federasiyası (AMKF) və “Arpaçay” karate klubunun birgə təşkilatçılığı ilə Bakı İdman Sarayında 20 Yanvar şəhidlərinin xatirəsinə həsr olunan ənənəvi beynəlxalq turnir sona yetib. Milli Karate Federasiyasından Trend-ə verilən məlumata əsasən, uşaq, yeniyetmə və gənclər arasında təşkil edilən sayca beşinci açıq turnirdə 12 ölkə, o cümlədən İran, Rusiya, Türkmənistan, Gürcüstan, Ukrayna, Qazaxıstan, Özbəkistan, Küveyt, Türkiyə, Mərakeş, Oman və ölkəmizi təmsil edən 89 klubun tərkibində 939 idmançı və 50 komanda mübarizə aparıb. Turnirin birinci günü bütün yaş qruplarında kata yarışları, ertəsi gün 6-11 yaşlı uşaqlar, bazar günü isə 12-17 yaşlı yeniyetmə və gənclər çıxış ediblər.