Bakı. Tailandda yeni tip koronavirusa ikinci yoluxma halı qeydə alınıb. Trend-in məlumatına görə, bu virusa 74 yaşlı çinli qadın yoluxub. Hazırda o karantinə alınıb. Bundan əvvəl, Tailandda Çindən gəlmiş daha bir qadında yeni koronavirus aşkar olunmuşdu. Qeyd edək ki, dekabrın sonlarında Çinin Uhan şəhərində pnevmaniyaya səbəb olan yeni tip koronavirusun yayıldığı açıqlanmışdı. Bu günədək bu virusdan 2 nəfər ölüb, 40 nəfər isə müalicə olunur.