Direktor: "Depressiyanın intiharla birbaşa əlaqəsi var"
Sosial 17 Yan 2020 16:46:32 84 0
''Kardioloji xəstələrin 30 faizində depressiv hallar müşahidə edə bilərik''.
"Kardioloji xəstələrin 30 faizində depressiv hallar müşahidə edə bilərik".
"Report" xəbər verir ki, bunu Psixi Sağlamlıq Mərkəzinin direktoru Fuad İsmayılov "Kardiologiya və psixiatriya: kardioloji pasiyentlərdə psixi pozuntuların profilaktikası" mövzusuna həsr olunanelmi-praktik konfransda çıxışı zamanı deyib.
Onun sözlərinə görə, ilkin şikayətlər depressiya ilə bağlı olmur: '"Belə insanlarürəkdə ağrı ilə bağlı müraciət edirlər və bu depressiv xəstələrə xasdır. Kardioloqlar xəstələrində tez- tez depressiv əlamətlər görürlər. Lakin onlar xəstələrinə intiharla bağlı suallar vermirlər. Depressiyanın intiharla birbaşa əlaqəsi var. İki qrup xəstələr var ki, onlarda daha tez-tez kardioloji problemlər müşahidə olunur. Birinci qrup şizofrenik xəstələrdir. Onlar sağlam insanlardan 10 il daha az yaşayırlar. Onlar intihar etmədikləri halda kardioloji problemlərdən ölürlər. İkinci qrup isə yaşlı pasiyentlərdir. 50 yaşdan sonra insanlarda həm kardioloji problemlər, həmçinin psixoloji problemlər çox olur. Onlara xüsusi diqqət və yanaşma lazımdır".