ABŞ və Çin arasında ticarət razılaşmasının 1-ci mərhələsinin imzalanmasından sonra beynəlxalq birjalarda qiymətli metalların dəyəri artıb.

“Report” xəbər verir ki, palladiumun qiyməti yenə də tarixi rekordunu yeniləyib.

Qeyd edək ki, çərşənbə günü bu qiymətli metalın dəyəri 2 285,55 dollar səviyyəsinə qalxıb. Digər qiymətli metallardan qızılın qiyməti 0,6% artaraq 1 555,98 dollar, gümüşün qiyməti 0,7% artaraq 17,9373 dollar, platinin qiyməti 0,6% artaraq 1 028,53 dollar olub.