İşlədiyi zoomarketə basqın edən şəxs saxlanıldı FOTO


Kriminal 15 Yan 2020 15:28:00 143 0

İşlədiyi zoomarketə basqın edən şəxs saxlanıldı  FOTO

Paytaxtın Xəzər rayonu Mərdəkan qəsəbəsində yerləşən zoomarketə basqın olub.

Son.az-a Daxili İşlər Nazirliyindən (DİN) verilən məlumata əsasən, naməlum şəxslər mağazanın sahibi H.Babayevə bıçaqla xəsarət yetirərək onun cibində olan 14000 manat pulu ələ keçiriblər.

Bildirilir ki, məlumat daxil olan kimi Xəzər Rayon Polis İdarəsinin 1-ci Polis Şöbəsinin əməkdaşları tərəfindən təxirəsalınmaz əməliyyat tədbirləri keçirilib.

Nəticədə cinayəti törətməkdə şübhəli bilinən iki nəfər paytaxt sakini Ehtiram Əliyev və Ələsgər Əliyev qısa zamanda tutulublar.

Qeyd edək ki, E.Əliyev əvvəllər həmin zoomarketdə işləyib. Hadisədən sonra hər iki şəxs Biləsuvar rayonuna qaçsalar da polislər onların izinə düşə biliblər.