Mahaçqala dəniz limanında İran bayrağı altında üzən “Qəsrə-1” tankerində baş verən yanğın söndürülüb, heç kim xəsarət almayıb.

“Report” “İnterfaks”a istinadən xəbər verir ki, bu barədə Dağıstan Respublikasının Fövqəladə Hallar Nazirliyindən məlumat verilib.

Məlumata görə, yanğının mənbəyi kapitanın kabinəsində olub, açıq yanğın olmayıb, amma tüstülənmə baş verib.

Hazırda yanğının hansı səbəbdən baş verdiyi müəyyənləşdirilir.