ABŞ İrana qarşı sanksiyalarını daha da genişləndirib
Dünya 10 Yan 2020 21:04:32 127 0
ABŞ İrana qarşı sanksiyalarını daha da genişləndirib
ABŞ administrasiyası İrana qarşı sanksiyaları bir qədər də genişləndirib.
“Report” “USA Today”ə istinadən xəbər verir ki, maliyyə katibi Steven Mnuçin İranın inşaat sektoruna, istehsalatına, o cümlədən toxuculuq, mədən, polad və dəmir sənayesinə qarşı tətbiq etdikləri yeni sanksiyaların “İran rejiminin dünya boyu terrorizm fəıaliyyətləri”nə qarşı yönəldiyini açıqlayıb.
Bununla yanaşı, Vaşinqton İranın səkkiz yüksək rütbəli rəsmisinində adını sanksiya siyahılarına salıb. Belə ki, həmin şəxslərin İraq ərazisində ABŞ və koalisiya hərbçilərinin yerləşdiyi bazalara bu günlərdəki ballistik raket hücumunda əli olduğu iddia edilir. ABŞ dövlət katibi Mayk Pompeo məhdudlaşdırıcı tədbirlərin İranın “daxili təhlükəsizlik aparatı”nı hədəf aldığını bildirib.