Bayram günləri müştəri xidmətləri xüsusi rejimdə çalışıb
Digərləri 07 Yan 2020 17:49:41 162 0
“Azəriqaz” İstehsalat Birliyi bayram günlərində müştəri xidmətləri sahəsində xeyli insanın müraciətinə baxıb.
Bakı.
“Azəriqaz” İstehsalat Birliyi bayram günlərində müştəri xidmətləri sahəsində xeyli insanın müraciətinə baxıb.
Qurumdan Trend-ə verilən məlumata görə, 2019-cu il dekabr ayının 31-dən 2020-ci il yanvar ayının 6-sı da daxil olmaqla 3070 xidmət göstərilib.
Bunun 1873-ü Birliyin Bakı Regional Qazın Satışı Departamentinin inzibati binası, Xırdalan, Mərdəkan və Sabunçu xidmət sahələri vasitəsilə həyata keçirilib. Qalan 1197 xidmət isə 6 yanvar tarixində “ASAN Kommunal” mərkəzlərində icra olunub. Ümumilikdə 70 halda sayğacın əvəz olunması təmin edilib. Xidmətlərin 80 %-i isə uğursuz əməliyyatlar və koda düşmüş kartların aktivləşdirilməsi ilə bağlıdır.
Mənbə: az.trend.az