Uşaqların sevimli nağıl qəhrəmanları ilə dialoqları, həmçinin milli və xarici musiqilərə hazırlanmış rəqslər, "Zima" beynəlxalq uşaq musiqi festivalının iştirakçıları ifasında mahnılar və sürprizlər karnavala xüsusi rəng qatıb. Əyləncəli, musiqili, interaktiv və maraqlı süjet xətti ilə fərqlənən nağıl-tamaşa uşaqlara gözəl əhval bəxş edib. Rəngarəng səhnə tərtibatı, səhnə geyimləri və bir çox başqa sürprizlərin təqdim olunduğu Yeni il şənliyi uşaqlar üçün maraqlı və yaddaqalan olub.