Bakı. Məhsul və yenilikləri ilə daim öndə olan Expressbank növbəti mükafata layiq görüldü. Mastercard beynəlxalq ödəniş sisteminin regional nümayəndələrinin Azərbaycandakı tərəfdaşları ilə görüşü keçirilmişdir. Artıq beşinci ildir ki, keçirilən tədbir zamanı innovasiyalar və rəqəmsal texnologiyaların inkişafı mövzuları müzakirə edilir və Azərbaycandakı tərəfdaşlar üçün mükafatlandırma mərasimi təşkil olunur. Görüş bankların 2019-cu ildə fəaliyyətlərinə görə müxtəlif nominasiyalar üzrə mükafatlandırma mərasimi ilə yekunlaşıb. Expressbank MasterCard Standart kartlarını ən çox emissiya edən ikinci Bank olaraq mükafatlandırılmışdır. Qeyd edək ki, Expressbank-ın 30%-dək cashback ilə seçilən plastik kartlarını sifarişi https://www.expressbank.az/cards linki üzərindən mümkündür. Onlayn sifariş sayəsində müştərilər Banka iki dəfə yaxınlaşmalı olmurlar. Kart hazır olan zaman müştəriyə SMS xəbərdarlıq göndərilir və müştəri filiala yaxınlaşaraq kartı əldə edir.