Əfqanıstanda qızıl mədənində torpaq sürüşməsi olub, 5 nəfər ölüb
Dünya 12 Dek 2019 11:38:31 132 0
Mədənin yerləşdiyi ərazi radikal "Taliban" hərəkatının nəzarəti altında olduğundan yerli hökumət itkin düşmüş insanları xilas etmək üçün səy göstərə bilmir
Əfqanıstanda qızıl mədənində baş verən torpaq sürüşməsi nəticəsində azı 5 nəfər ölüb, 35 nəfərin itkin düşüb.
Bu barədə "Report" RİA "Novosti"yə istinadən xəbər verir.
Yerli səlahiyyətlilər hadisənin Əfqanıstanın şimal-şərqindəki Bədəhşan vilayətində baş verdiyini bildirib.
Valinin nümayəndəsi Nek Məhəmməd Nəzəri söyləyib ki, hadisə zamanı mədəndə 40 nəfər olub, yerli sakinlər 5 nəfərin meyitini tapıb, digərlərinin taleyi hələlik məlum deyil.
O qeyd edib ki, mədənin yerləşdiyi ərazi radikal "Taliban" hərəkatının nəzarəti altında olduğundan yerli hökumət itkin düşmüş insanları xilas etmək üçün səy göstərə bilmir.
Mənbə: report.az