Son.az ictnews.az-a istinadən bildirir ki, 21 yanvar 2020-ci ildən etibarən istehsalçı tərəfindən "Windows 10 Mobile" üçün "Office" versiyasının dəstəklənməsi dayandırılacaq. Bu isə o deməkdir ki, bu məhsullardan istifadə edənlər üçün pulsuz texniki dəstək və proqram təminatının təhlükəsizliyi ilə bağlı problemləri aradan qaldıran düzəlişlərlə təmin edilməsi dayandırılacaq. Bundan başqa, ehtiyat surətçıxarma və "Microsoft"un digər daxili servislərinin fəaliyyəti sona yetəcək.

Korporasiya nümayəndələrinin sözlərinə görə, "Windows 10 Mobile" sistemində bütün "Office" əlavələrindən 21 yanvar 2020-ci ildən sonra istifadə mümkün olacaq. Lakin qeyd edilən tarixdən sonra əlavələr və onlar üçün istinadlar ləğv ediləcək - "Office" əlavələr paketindən yalnız "Windows 10 Mobile" sisteminin idarəetməsi ilə işləyən smartfonlara proqramlar göstərilən tarixədək quraşdırıldığı halda istifadə etmək olacaq.