Yeni yaradılan sənaye parkında istehsal edilən məhsullar çox ucuz qiymətə olacaq


Digərləri 10 Dek 2019 09:59:00 100 0

Yeni yaradılan sənaye parkında istehsal edilən məhsullar çox ucuz qiymətə olacaq

"İranın şimalında yerləşən Ərdəbil vilayətinin Parsabad rayonunda birgə sənaye parkının yaradılması üzrə razılaşma iki ölkənin iqtisadi əlaqələrində müsbət addımdır".

Son.az xəbər verir ki, bunu İran və Azərbaycan birgə ticarət palatasının iranlı baş katibi Hüseyn Vosuqi İrani Trend-ə özəl açıqlamasında deyib.

H.V.İraninin sözlərinə görə, razılaşmada qeyd olunub ki, həmin ərazinin hansı ölçüdə və hansı imkanlara sahib olması haqqında qərarlar işçi qrupunun iclasında veriləcək:

"Bu sənaye parkında həm iranlı, həm də azərbaycanlı istehsalçılar birgə şəkildə məhsul istehsal edəcəklər. Eyni zamanda Azərbaycanın iş adamları bu parkda istehsal olunan məhsulları Rusiya, Qafqaz, Orta Asiya ölkələrinə ixrac edəcək. Bu məhsullar çox ucuz qiymətə başa gələcək. İlk növbədə ərzaq məhsullarının istehsalı diqqət mərkəzində olacaq. İranla sərhəddən Azərbaycanın İmişli rayonunda dəmiryoluna kimi təxminən 8 kilometr məsafə var. İki ölkənin birgə sənaye parkında istehsal olunacaq məhsullar Azərbaycanın dəmiryolu vasitəsi ilə daşınacaq".