Şərq təqvimi Siçan ili ilə başlayır, odur ki, 2020-ci il ikiqat əlamətdardır. Şərqdə Siçan zənginliyin, saflığın, firavanlığın və bütövlüyün rəmzidir. Odur ki, münəccimlər yekdilliklə hər kəsə bütün məsələlərdə uğur proqnozlaşdırır.

Son.az oxucuları Siçan ilinin əsas ritualları ilə tanış edir.

Asiya ölkələrində Siçanlara böyük hörmət və sevgi ilə yanaşılır. Onu gördükdə qışqırmır və mümkün qədər onlardan uzaqlaşmırlar. Hindistanda Siçan tanrısı Ganeşa - bilik və hikmət tanrısı kimi qiymətləndirilir. Yaponiyada Siçan xoşbəxtliyin simvolu, Çində isə ümumiyyətlə, milli qəhrəmandır, çünki ac olan çinlilərə ilk dəfə düyü gətirən siçan olub. Bir çox şərq ölkəsində Siçan zənginliyin ən populyar simvolu hesab olunur.

Çin mifologiyasına görə, Siçan ağıllı, məqsədyönlü və səbirli bir heyvandır. O, özünün bütün üstünlüklərini və mənfi cəhətlərini bilir. İlin himayədarının əla yaddaşı var. Siçan asanlıqla öz yolunu tapa bilir və hər addımını diqqətlə ölçüb-biçir. Çətin vəziyyətlərdən də asanlıqla baş çıxarır.

Yeni ilin himayədarı sənət və mənəvi dəyərlərlə maraqlanır. Həm özünə qarşı, həm də ətrafdakılara qarşı tələbkardır. 2020-ci ilin totemi ağ rəngdir, odur ki, gələn il parlaq ideya və saf düşüncələr üstünlük təşkil edəcək.

Şərq təqviminə görə, 2020-ci ildə dünyanın rifahını yaxşılaşdırmağa, həyatımızı yaxşılıq, xeyriyyəçiliklə doldurmağa və fədakarlıq etməyə dəyər. Siçan özünə və digər insanlara qarşı olduqca diqqətlidir, odur ki, hər bir insan haqlarına hörmət edir.

Yeni ildə sülh və harmoniya içində yaşamaq istəyən bir insan - müsbət keyfiyyətlərə sahib olmalı, ağıllı olmalı və yolundakı maneələri dəf etməyi bacarmalıdır. Bütün ilin məhsuldar olacağı gözlənilir.

Ağ Siçan ili 2020-ci ildə möhkəm evlilik yaratmaq istəyənlər üçün əlverişlidir. İl yeni işə başlayanlar, səfərlər və işini dəyişmək istəyənlər üçün düşərlidir. Gördüyünüz hər iş uğurla yekunlaşacaq. Siçan küsülülüyə son qoymaq, barışmaq və dostluq münasibətlərini möhkəmləndirmək üçün yaxşı fürsətdir.

Maddi cəhətdən Ağ Siçan ili çox kömək edəcək: il zəngin və gəlirli olacaq. Siçan insanlara karyera qurmaq, daha yaxşı həyat səviyyəsinə yüksəlmək və böyük tanınma əldə etmək imkanı verəcək. Bununla birlikdə, sürətli və hiyləgərdir, odur ki, çox işləməli olacaqsınız.

Ağ Siçan ilini 2020-ci ildə necə qarşılamaq olar?

Yeni ilə hazırlıq ümumi təmizlikdən başlamalıdır. Bu il pəncərələrə xüsusi diqqət yetirin: onlar nə qədər təmiz olarsa, işiniz bir o qədər sürətlə gedəcək. Pilləkənləri yumağı unutmayın: Yeni ildə uğur və rifahın açarı təmizlikdir.

Ağ siçan artıq zibili sevmir, odur ki, il ərzində istifadə etmədiyiniz bütün əşyaları atın. İnanın, Yeni ildə onlara ehtiyac olmayacaqdır. Sənədləri səliqəyə alın. Lazımsız sənəd, kitab, jurnal və qəzetləri atın. 2020-ci ili ağ vərəqlə qarşılayın.

Aktiv və ünsiyyətcil təbiətinə görə Siçan hər zaman bütün hadisələrdən xəbərdar olur və mümkün olduğu qədər hər yeri gəzir. Yeni ili şən komanda, dost və qohum əhatəsində qeyd etmək daha yaxşıdır. Mümkünsə - yeni təəssüratlar və Yeni il sərgüzəştlər yaşamaq üçün səyahətə yollanın.

Ağ Siçan səhlənkarlığı və tələsikliyi sevmir. Bu səbəbdən də hazır salatlar və yeməklər almayın, özünüz hazırlayın. Masanı gözəl bəzəməyə dəyər, çünki ilin sahibi masa bəzəyinə xüsusi önəm verir.

Yeni ili şərq ulduz falının tələb etdiyi qaydalara uyğun olaraq qeyd etmək çox vacibdir. Siçanın rəngi ağ, element isə metaldır, odur ki, Yeni il üçün düzgün obraz seçməyinizə kömək edəcəyik.