Finlandiyada şənbə günüSosial Demokrat Partiyasının sədri seçilən 34 yaşlı Sanna Marinsolçu hökumət koalisiyasının rəhbəri olub.

“Report” FT-yə istinadən xəbər verir ki, hazırda nəqliyyat naziri olan S.Marin parlament tərəfindən baş nazir kürsüsünə təsdiqləndikdən sonra ölkəsinin tarixində də ən gənc hökumət başçısı olacaq.

Qeyd olunur ki, koalisiyadakı qalan dörd partiyanın da rəhbərləri qadındır. Onlardan üç nəfəri də 30-la 40 yaş arasındadır ki, bu da Finlandiya üçün görünməmiş hal sayılır.

Əvvəlki baş nazir Antti Rinnepoçt işçilərinin tətili zamanı mövqeyinə görə hökumətdə baş qaldıran ziddiyyətlər üzündən çərşənbə günü istefaya getmişdi.