Aeroport ərazisində 4 mindən artıq ağac əkilib (FOTO)
Digərləri 06 Dek 2019 17:21:00 136 0
Aksiya zamanı Heydər Əliyev Beynəlxalq Aeroportu ərazisinin təmizlənmiş 10 hektar sahəsində 4 mindən artıq ağac əkilib.
Bakı.
Mütəfəkkir şair İmadəddin Nəsiminin 650 illik yubileyi ilə əlaqədar Azərbaycan Respublikasının Birinci vitse-prezidenti Mehriban Əliyevanın ölkəmizdə bir gündə 650 min ağacın əkilməsi təşəbbüsü ilə bağlı Ekologiya və Təbii Sərvətlər Nazirliyi və Azərbaycan Hava Yolları Qapalı Səhmdar Cəmiyyətinin əməkdaşları ağacəkmə aksiyası keçirib.
AZAL-dan Trend-ə verilən məlumata görə, aksiya zamanı Heydər Əliyev Beynəlxalq Aeroportu ərazisinin təmizlənmiş 10 hektar sahəsində 4 mindən artıq ağac əkilib.
Mənbə: az.trend.az