Azərbaycan və Rusiya Xarici İşlər nazirləri Elmar Məmmədyarov ilə Sergey Lavrov Bakıda baş tutan görüşdə Dağlıq Qarabağ münaqişəsinin nizamlanması məsələsini və ikitərəfli məsələləri müzakirə edirlər.

Bu barədə "Report" RİA "Novosti"yə istinadən xəbər verir.

Görüşdə Azərbaycan Xarici İşlər naziri rusiyalı həmkarı iləDağlıq Qarabağ nizamlanmasını və ikitərəfli münasibətləri, o cümlədən iqtisadi məsələləri müzakirə etmək niyyətində olduğunu bildirib.

S.Lavrov Rusiya ilə Azərbaycan arasındakı əlaqələrin əsasını iqtisadiyyat təşkil etdiyini vurğulayıb.

"Ticarət sürətlə böyüyür. Düşünürəm ki, bu il əmtəə dövriyyəsində 3 milyard dollara çatacağıq. Rusiya tərəfdən Azərbaycana 1,5 milyard dollar investisiya qoyulub. Rusiyadakı Azərbaycan sərmayələri dəçox əhəmiyyətlidir", - rusiyalı nazir söyləyib.