Dövlət rəsmiləri Bibiheybətdə torpaq sürüşməsi baş vermiş ərazidə olublar (FOTO)


Digərləri 30 Noy 2019 14:54:49 113 0

Dövlət rəsmiləri Bibiheybətdə torpaq sürüşməsi baş vermiş ərazidə olublar (FOTO)

Dövlət rəsmiləri Bibiheybətdə torpaq sürüşməsi baş vermiş ərazidə olublar

Bakı. Samir Əli - Azərbaycan Respublikasının Prezidenti cənab İlham Əliyevin tapşırığı ilə Baş Nazir Əli Əsədovun rəhbərliyi ilə Fövqəladə Hallar naziri Kəmaləddin Heydərov və nazirliyin aidiyyəti vəzifəli şəxsləri, Bakı Şəhər İcra Hakimiyyətinin başçısı Eldar Əzizov, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov və Bakı Nəqliyyat Agentliyinin İdarə Heyətinin sədri Vüsal Kərimli noyabrın 25-də Bakı şəhəri, Səbail rayonu ərazisində yerləşən “Bibiheybət” məscidinin yaxınlığında baş vermiş torpaq sürüşməsi ilə əlaqədar hadisə yerində olublar. Bu barədə Trend Fövqəladə Hallar Nazirliyinə istinadən xəbər verir. Əraziyə baxış keçirildikdən sonra mütəxəssislərin də iştirak ilə operativ müşavirə keçirilib, sürüşmənin mümkün səbəbləri, mövcud vəziyyət müzakirə edilib və məsələ ilə bağlı hərtərəfli araşdırmanın aparılması, sürüşmənin nəticələrinin qısa müddətdə aradan qaldırılması və digər zəruri tədbirlərin görülməsi üçün aidiyyəti qurumlara müvafiq göstərişlər verilib.