"Solğun çiçəklər" tamaşası oynanıldı
Kriminal 27 Noy 2019 21:35:00 161 0
Sumqayıtın şəhər statusu almasının 70 illiyi ilə bağlı möhtəşəm tədbirlər, bu münasibətlə ölkə rəhbərinin Sumqayıta gəlişi və yeni mədəniyyət obyektlərinin açılışında iştirak etməsi bütün sumqayıtlılar kimi teatrın yaradıcı heyətinə unudulmaz təəssüratlar bəxş etdi.
Son.az xəbər verir ki, eyni zamanda ümumşəhər tədbirinin mədəni-kütləvi şənliyin hazırlanmasında əməkdaşlarımızın iştirakı, həmçinin bir qrup işçinin mükafatlandırılması qəlbimizi qürur hissi ilə doldurdu.
Ümumiyyətlə son illərdə teatra göstərilən qayğı yeni layihələrin gerçəkləşməsi və teatra tamaşaçı axınının güclənməsinə rəvac verir.
Bu günlərdə Sumqayıt Dövlət Dram Teatrı daha bir bayram ovqatı yaşadı. Belə ki, Dövlət başçısının dahi dramaturq C.Cabbarlının 120 illiyinin xüsusi qeyd edilməsi ilə bağlı imzaladığı Sərəncama uyğun olaraq Azərbaycan Respublikası Mədəniyyət Nazırliyinin təşkilatçilığı ilə noyabrın sonu Cəfər Cabbarlı həftəsi çərçivəsində teatr bayramı keçirilir. Bakı və bölgə teatrlarının qatıldığı tədbirdə ədibin ayrı-ayrı əsərləri nümayiş etdirilir.