Ermənistanın keçmiş baş prokuroru və sabiq deputatı Gevork Kostanyana qarşı ittihamlar irəli sürüləcək.

Bu barədə "Report" Ermənistan mətbuatına istinadən xəbər verir.

Ermənistanın Xüsusi İstintaq Xidmətinin mətbuat katibi Marina Ohanjanyan bildirib ki, Kostanyan 2008-ci ilin 1 mart hadisələri ilə bağlı cinayət işinə müqəssir kimi cəlb olunub.

Sabiq baş prokurora ittihamın təqdim edilməsi üçün istintaq orqanına gəlmək olmaq üçün 48 saat vaxt verilib. G.Kostanyana qarşı hansı maddə üzrə ittiham irəli sürüləcəyi hələ bildirilmir.

Qeyd edək ki, Gevork Kostanyan 2016-cı ilin 4 avqustunda səhhətində problemin yarandığını əsas göstərərək Ermənistanın baş prokuroru vəzifəsindən istefa verib.