Allahın ərşi nə deməkdir?


Digərləri 24 Noy 2019 20:20:00 581 0

Allahın ərşi nə deməkdir?

Ərşin lüğətdəki mənası tavanı olan tikili deməkdir. Bəzən tavanın özünə də ərş deyirlər. Bəzən ərş padşahların taxtı mənasını verir. Süleymanın taxtı kimi.

Son.az deyerler.org-a istinadən bildirir ki, bəzən ərəblər ağacları saxlamaq üçün çardaqlardan istifadə edirlər ki, onlara da ərş deyirlər. Misal üçün, Qurani-Kərimdə buyurulur: "Çardaq üzərində olan və çardaqsız bağları, xurma ağacını, müxtəlif məhsullu əkini və bir-birinə oxşayan və oxşamayan zeytunu və narı yaradan Odur. Bar verən zaman onların meyvə və məhsulundan yeyin və onun (Allahın) haqqını biçin (və məhsul yığılan) gün verin. (Yeməkdə və verməkdə) israf etməyin ki, həqiqətən, Allah israf edənləri sevmir". ("Ənam" 141).

Ancaq o zaman ki, ərş sözü Allaha aid edilir, o zaman məqsəd varlıq aləmini Öz qüdrəti altında saxlayan Allahın hakimiyyəti nəzərdə tutulur.

Təfsirçilərin nəzərinə görə, ərş deyildikdə sanki Allahın hakimiyyət etdiyi taxta alleqorik işarə edilir. Yəni, sanki Allah Təala Öz ərşindən yeri və göyü idarə edir.

Ərş sözünün başqa bir mənası da vardır, o da budur ki, bəzən ərş sözü kürsü sözü kimi istifadə olunur. Belə ki, kürsü maddi aləmə edilən alleqoriya kimi inikas olur. Ərş isə bu aləmdən daha uca aləmə edilən alleqoriyadır. "Onun (səltənət və rübubiyyət)kürsüsü göyləri və yeri əhatə etmişdir. Onları (göyləri və yeri) qoruyub saxlamaq Onun üçün çətin və yorucu deyildir. O, çox uca və böyükdür". ("Bəqərə" 255).

Ayə buyurur ki, Allah o kəsdir ki, göyləri və yeri qoruyub saxlamaq Onun üçün çətin və yolucu deyildir. Çünki O, çox uca və qüdrətlidir.

"Tək olan Allahdır ki, Ondan başqa bir məbud yoxdur! (Öz zatı ilə var olan) diri və (varlıq aləmini) bərqərar saxlayan qadir və əbədidir". ("Bəqərə" 255).

Bəli, Allah o varlıqdır ki, bütün canlıları və cansızları xəlq etmiş və onlara hökumət edir.