ABŞ-ın vitse prezidenti Mayk Pens əvvəlcədən elan etmədən İraqa səfərə gedib.

“Report” AFP-yə istinadən xəbər verir ki, Ağ Ev rəsmisi Bağdadın qərbindəki Əyn əl-Əsəd hava bazasında yerləşdirilən amerikalı hərbçilərə baş çəkəcək.

Xatırladaq ki, ötən ilin 26 dekabrında ABŞ prezidenti Donald Tramp da İraqa qəfildən səfər edərək amerikalı hərbçilərlə görüşüb. O,hərbi qüvvələrinibu ölkədən çıxartmaq fikrində olmadığını, eyni zamanda Suriyada antiterror əməliyyatları üçün İraq ərazisindən istifadə edə biləcəklərini açıqlamışdı.