Bu ilin sentyabr ayında Azərbaycanda ümumi daxili məhsul (ÜDM) ötən ilin sentyabr ayına nisbətən3% artıb.

“Report” xəbər verir ki, bu barədə Dünya Bankının açıqlamasında bildirilir.

Qurum ölkədə 9 aylıq ÜDM-in isə ötən ilin eyni dövrü ilə müqayisədə 2,5% artdığını bəyan edib.

"9 ay ərzində qeyri-neft-qaz sektoru 3,5%, neft-qaz sektoru isə 1,1% böyüyüb. Kənd təsərrüfatı sektorunda isə proqressiv inkişaf hiss olunub. Belə ki, ötən ilin eyni dövrü ilə müqayisədə bu sektor 7,1% artıb.Həmçinin sentyabrda real əməkhaqqının artması ilə istehlak sektoru 6,5% böyüyüb. Bu, özünü xüsusilə də dövlət sektorunda və əmək bazarında büruzə verib", - Dünya Bankı bəyan edib.