Moda aləminin təkrarolunmaz isimlərindən olan yəhudi əsilli modelyer Zak Posen eyniadlı geyim markasını bağlamağa qərar verib.

Son.az xəbər verir ki, bir çox ulduzun xüsusilə qırmızı xalça mərasimlərində üstünlük verdiyi moda evinin bağlanması onlar üçün də gözlənilməz olub.

2000-ci illərin əvvəllərində "Moda aləminin yeni şahzadəsi" titulunu qazanan Zak Posen qərarını instaqramda elan edib. O, etiraf edib ki, moda sektorunda maddi sıxıntılarla üzləşib. Əvvəlcə moda evini satmaq istədiyini, lakin investor olmadığı üçün markasını bağlamaq qərarına gəldiyini söyləyib. (publika.az)