Bakı. Noyabr ayının 20-dən 25-dək Bakıda “Alüminium” VI Bakı Beynəlxalq Müasir İncəsənət Biennalesi keçiriləcək. Biennalenin təşkilatçıları Azərbaycan Respublikasının Mədəniyyət Nazirliyi və Azərbaycan Rəssamlar İttfaqıdır. Trend-in məlumatına görə, budəfəki biennale Azərbaycan Respublikasının Mədəniyyət Konsepsiyasına uyğun olaraq, ölkəmizdə müasir incəsənətin inkişafının təbliği və rəssamların yaradıcılığının dəstəklənməsi məqsədilə təşkil olunacaq. Biennaledə rəngkarlıq, qrafika, heykəltəraşlıq, installyasiya, video-art, fotoəsərlər, habelə Azərbaycan, Almaniya və Gürcüstan rəssamlarının performansları nümayiş olunacaq. Həmçinin UNESKO-nun patronajlığı ilə keçirilmiş Birinci Antarktida Biennalesi (2017) haqda filmin təqdimatı təşkil olunacaq, “Müasir incəsənət bu gün, nailiyyətlər, problemlər və perspektivlər” mövzusunda konfrans keçiriləcək. “Alüminium” VI bakı Beynəlxalq Müasir İncəsənət Biennalesi çərçivəsində keçiriləcək sərgilər Şirvanşahlar Sarayı, Muzey Mərkəzi, V.Səmədova adına Sərgi Salonu, İçərişəhərdəki Müasir İncəsənət Mərkəzi, “Qalereya 1969” və “Qala” Dövlət Tarix-Etnoqrafiya Qoruğunda təşkil olunacaqlar. Qeyd edək ki, 2003-cü ildən etibarən ənənəvi olaraq Bakıda keçirilən “Alüminium” Bakı Beynəlxalq Müasir İncəsənət Biennalesində dünyanın onlarla ölkəsindən olan rəssamlar, sənətşünaslar, kuratorlar iştirak ediblər. Növbəti biennaledə xarici ölkələrdən 40-dan çox rəssam və 30-dək Azərbaycan rəssamının iştirakı gözlənilir. "Alüminium" VI Bakı Beynəlxalq Müasir İncəsənət Biennalesinin proqramı 20 Noyabr Çərşənbə 11.00 – Ekspozisiyaların açılışı və layihələrin təqdimatı. Şirvanşahlar Sarayı, Müasir İncəsənət Mərkəzi 15.30 – “Qalereya 1969”. Həmid Əminifarın fərdi sərgisi, İran 17.00 – Layihənin təqdimatı və ekspozisiyanın açılışı. Rəssamlar İttifaqının Vəcihə Səmədova adına sərgi salonu. 19.00 – Performans. Gisela Weimann. Almaniya. Muzey Mərkəzinin Sərgi Qalereyası. Dəyirmi salon. 21 Noyabr Cümə axşamı 11.00 – Mətbuat konfransı . Muzey Mərkəzi. Konfrans Zalı 12.00 – Biennalenin açılışı. Rəsmi mərasim. Muzey Mərkəzinin Sərgi Qalereyası. Dəyirmi salon. 15.00-17.00 – Layihənin təqdimatı. “Qala” Dövlət Etnoqrafiya Qoruğu. Performans. Zaira Nadirashvili, Gürcüstan. 18.00-19.00 – Performans.Gisela Weimann. Almaniya. Muzey Mərkəzinin Sərgi Qalereyası. Dəyirmi salon. 22 Noyabr (adsgarden = window.adsgarden || []).push({}); Cümə 10.00-13.00 – Layihələrin təqdimatı. Şirvanşahlar Sarayı, Müasir İncəsənət Mərkəzi. 15.30-18.00 – Layihələrin təqdimatı. Rəssamlar İttifaqının Vəcihə Səmədova adına sərgi salonu. Muzey Mərkəzinin Sərgi Qalereyası. 18.00 - Performans.Gisela Weimann. Almaniya. Muzey Mərkəzinin Sərgi Qalereyası. Dəyirmi salon. 23 Noyabr Şənbə 10.00-13.00 – Layihənin təqdimatı. “Qala” Dövlət Etnoqrafiya Qoruğu. Performans: Elene Rakviaşvili, Gürcüstan. Vüsal Rəhim, Azərbaycan. 16.30-17.00 – Layihənin təqdimatı. Muzey Mərkəzinin Sərgi Qalereyası 17.00 – Birinci Antarktida Biennalesində filminin təqdimatı, 2017. Kurator- A.İvanova-Yohanson, Rusiya. Muzey Mərkəzinin Sərgi Qalereyası. Konfrans zalı. 24 Noyabr Bazar günü 10.00-13.00 – Palçıq vulkanlarının ərazisinə səfər. 16.00 – "Leyli və Məcnun" tamaşasına səfər. Bakı Marionet Teatrı. 25 Noyabr Bazar ertəsi 10.00-13.00 – Biennali iştirakçılarının konfransı "Müasir incəsənət bu gün: nailiyyətlər, problemlər, perspektivlər". Muzey Mərkəzi. Konfrans zalı. 15.30-19.00 – Biennali iştirakçılarının konfransı "Müasir incəsənət bu gün: nailiyyətlər, problemlər, perspektivlər". Muzey Mərkəzi. Konfrans zalı. 19.00 – Biennalinin bağlanışı. Trend-in ən mühüm və maraqlı xəbərlərini "Telegram"da izləyin