"Azərbaycan mədəniyyəti ilə daha yaxından tanış olmalıyam, sadəcə iş üçün gəlmək yetmir"


Şou-biznes 18 Noy 2019 13:39:00 356 0

"Azərbaycan mədəniyyəti ilə daha yaxından tanış olmalıyam, sadəcə iş üçün gəlmək yetmir"

Türkiyəli şoumen Cem Yılmaz Bakıya gəlib.

Şoumen publika.az-ın suallarını cavablandırıb:

- Dünya şöhrətli sənətçi Çarli Çaplin deyirdi ki, ən yaxın dostum güzgülərdir. Çünki mən ağladığım zaman o gülmür. Maraqlıdır ki, sizin ən yaxın dostunuz kimdir. Üzüntünüzü kimin üzündən oxuya bilirsiniz?

- Nə qədər dərin və sofistik bir sual... Əlbəttə ki, öz kədərini paylaşmaq insanlığın ən təbii və təsirli halıdır. Amma sevincimizi də insanlardan əsirgəməməliyik. Ətrafımda gözəl dostlarım və həmkarlarım var ki, dərdimi də, sevincimi də onlarla paylaşa bilirəm. Dolayısı ilə bərabər gülüb ağlayırıq. Eyni işi gördüyüm insanlarla eyni duyğu dalğasında olduğum zaman sevinirəm. Bu, mənə ruh yüksəkliyi verir. Səhnədə tək çıxış etməyi sevsəm də, həyatda tək olmaq yaxşı deyil.

- Sizi ən çox nə duyğulandırır?

- Paylaşmaq. Eyni şeyə birlikdə gülmək məni ağladacaq qədər duyğulandıra bilər. Gülmək də, ağlamaq da qardaşdır. İkisi də eyni coşğuda olan duyğudur. Bərabər gülmək mənə qəribə bir hüzn verir.

- Azərbaycanda film çəkmək istərdinizmi?

- Nə gözəl olardı. Kaş ki, belə bir layihə həyata keçirmək üçün bizə kimsə dəstək göstərərdi.