Binaların 30 faizi istiliklə təmin olunub, bəs digəriləri nə vaxt isinəcək? "Azəristiliktəchizat"dən CAVAB


Digərləri 15 Noy 2019 14:49:00 320 0

Binaların 30 faizi istiliklə təmin olunub, bəs digəriləri nə vaxt isinəcək?  "Azəristiliktəchizat"dən CAVAB

"Azəristiliktəchizat" Açıq Səhmdar Cəmiyyəti ölkə ərazisində qış rejiminə keçidlə bağlı bina və obyektlərə istilik təchizatına start verib.

Son.az xəbər verir ki, bu barədə Trend-ə "Azəristiliktəchizat" ASC-nin Abonent və Müştəri Xidmətlərinin rəisi Rafiq Əliyev deyib.

Onun sözlərinə görə, bu gün səhər saatlarından artıq bütün qazanxanalar işə salınıb:

"Dağlıq ərazilərdə istilik sistemləri noyabrın 1-dən işə salınıb. Bu gün səhər saatlarından isə Bakı və digər ətraf ərazilərdə prosesə start verilib. Artıq indiki saata qədər Bakının 30 faizindəki bina və obyektlər istilik sistemi ilə təmin olunub. Digər qazanxanalarda isə tənzimləmələr aparılır. Günün sonuna kimi paytaxtda bütün binalara istilik veriləcək".