Tehranda məktəblər və uşaq bağçaları bağlandı
Dünya 14 Noy 2019 21:14:00 306 0
İranın paytaxtı Tehranda havanın çirkliliyi təhlükəli həddə çatdığına görə, çərşənbə günündən etibarən məktəblərin bağlanmasına göstəriş verilib.
Son.az "Amerikanın səsi"nə istinadən bildirir ki, qubernator Ənuşirəvan Möhseni-Bəndpəy şəhərin Qarçak, Pişva və Varamin rayonlarında uşaq bağçaları, məktəbəqədər ocaqlar və ibtidai məktəblərin bağlanacağını bildirib.
"Tehran şəhərinin havası həssas qruplar üçün keyfiyyət indeksi statusundan keçməyib" - deyə, İRNA dövlət xəbər agentliyi qubernatora istinadən bildirib.
Onun sözlərinə görə, havaya buraxılan təhlükəli hissəciklərin orta konsentrasiyası şəhərdə hər kub-metr üçün 133 mikro-qrama çatıb və 10 rayonda onun həcmi daha yüksək, 150-yə qədərdir.
Mənbə: milli.az