Bu il yol qəzalarında 557 nəfər ölüb


Digərləri 14 Noy 2019 13:47:00 307 0

Bu il yol qəzalarında 557 nəfər ölüb

2019-cu ilin yanvar-sentyabr aylarında ölkənin avtomobil yollarında 1274 və ya 2018-ci ilin müvafiq dövrü ilə müqayisədə 0,8 faiz az yol-nəqliyyat hadisəsi baş verib.

Bakı. İlhamə İsabalayeva - 2019-cu ilin yanvar-sentyabr aylarında ölkənin avtomobil yollarında 1274 və ya 2018-ci ilin müvafiq dövrü ilə müqayisədə 0,8 faiz az yol-nəqliyyat hadisəsi baş verib. Dövlət Statistika Komitəsindən Trend-ə verilən məlumata görə, bu hadisələr nəticəsində zərərçəkən şəxslərin sayı 2 faiz azalaraq 1735 nəfər olub. Onlardan 557-si həlak olub, 1178-i isə yaralanıb. Hadisələrin 46,2 faizi gündüz, 36,1 faizi gecə, 17,7 faizi isə toran vaxtı baş verib, 29,1 faizi həftənin şənbə və bazar günlərinə təsadüf edib. (adsgarden = window.adsgarden || []).push({}); Yol-nəqliyyat hadisələrinin 88,5 faizi yaşayış məntəqələrində baş verib, bu hadisələr nəticəsində həlak olanların sayı ötən ilin müvafiq dövrünə nisbətən 2 faiz azalaraq 399 nəfər, yaralananların sayı isə 3,2 faiz azalaraq 1135 nəfər olub. Trend-in ən mühüm və maraqlı xəbərlərini "Telegram"da izləyin