Fransız tələbə özünü yandırdı “Mən ittiham edirəm”
Dünya 10 Noy 2019 10:01:00 307 0
22 yaşlı fransız tələbə Lyon şəhərindəki bir universitet restoranının qarşısında özünə od vurub. İntihara cəhddən bir neçə saat əvvəl isə o, maddi sıxıntıları barədə Facebook-da status paylaşıb.
O, artıq ayda 450 avro ilə yaşamaq gücündə olmadığını bildirib.
Son.az musavat.com-a istinadən bildirir ki, Bu xəbəri "BBC" yayıb.
"Gəlin bizi ayıran faşizmə ... və bərabərsizliyi yaradan liberalizmə qarşı mübarizə aparaq", - tələbə statusunda belə yazıb.
"Mən Makronu, Fransua Ollandı, Nikola Sarkozini və Avropa Birliyini məni öldürməkdə, hamının gələcəyi ilə bağlı qeyri-müəyyənlik yaratmaqda ittiham edirəm. Mən Le Peni (Fransa millətçilərinin sağçı lideri Marine Le Pen) və qəzet redaktorlarını cəmiyyətdə qorxu yaratmaqda suçlayıram".
Mənbə: milli.az