Bakı. Elçin Mehdiyev – Milli Məclisin deputatları Sahibə Qafarova və Asim Mollazadə Şərq tərəfdaşlığının 10 illik yubileyinə həsr olunmuş tədbirdə iştirak etmək üçün noyabrın 4-də İsveçin Stokholm şəhərinə səfərə gedəcəklər. Trend-in məlumatına görə, səfər çərçivəsində millət vəkilləri “Parlamentlərin rolu və deputatlar, dialoq və plüralizm”, “Şərq Tərəfdaşlığının 10-cu ildönümü” adlı panel iclaslarda içtirak edəcək, müzakirəyə çıxarılacaq məsələlərə öz münasibətlərini bildirəcəklər. Səfər noyabrın 7-də başa çatacaq. Qeyd edək ki, Azərbaycanın Xarici İşlər naziri Elmar Məmmədyarov da Şərq tərəfdaşlığının 10 illik yubileyinə həsr olunmuş tədbirdə iştirak edəcək. Trend-in ən mühüm və maraqlı xəbərlərini "Telegram"da izləyin