Türkiyə ilə Azərbaycan arasında ticarət dövriyyəsi artaraq 30 milyon dollardan çox olub
Digərləri 03 Noy 2019 15:00:00 188 0
Türkiyə ilə Azərbaycan arasında ticarət dövriyyəsi ötən ilin eyni dövrü ilə müqayisədə 31,782 milyon dollar artaraq 181,033 milyon dollar təşkil edib
Bakı. Rufiz Hafizoğlu -
Bu ilin sentyabr ayında Türkiyə ilə Azərbaycan arasında ticarət dövriyyəsi ötən ilin eyni dövrü ilə müqayisədə 31,782 milyon dollar artaraq 181,033 milyon dollar təşkil edib.
Bu barədə Trend-ə Türkiyə Ticarət Nazirliyindən bildiriblər.
Nazirlikdən bildiriblər ki, 2019-cu ilin sentyabr ayında Türkiyənin Azərbaycana ixracatı 152,931 milyon dollar, Azərbaycandan idxalı isə 28,102 milyon dollar təşkil edib.
2019-cu ilin yanvar-sentyabr aylarında Türkiyə ilə Azərbaycan arasında ticarət dövriyyəsi ötən ilin eyni dövrü ilə müqayisədə 47,215 milyon dollar artaraq 1,431 milyard dollar təşkil edib.
Nazirlikdən verilən məlumata görə, 2019-cu ilin yanvar-sentyabr aylarında Türkiyənin Azərbaycana ixracatı 1,133 milyard dollar, Azərbaycandan idxalı isə 298,646 milyon dollar olub.
Qeyd edək ki, 2019-cu ilin sentyabr ayında Türkiyənin xarici ticarət dövriyyəsi 32,181 milyard dollar təşkil edib.
Mənbə: az.trend.az